MHOJEM BHAGYA
Tujem iennem mhoje kalzant
Kitlem moladik sangoum koxem
Tujem astitva1 mhoje jinnent
Kitlem khoxechem, onnbhovum koxem
Poilich nodor, poddli tujer
Nialltam, kitem bhoglem jivak
Mhojem noxibachem bhagya2 chintun
Sorpottun argam dilim Devak
Mhojo hat ghott tujea hatan
Zolmam zolmancho sombondh ghoddlo
Tujea dolleanchi lahn dixtt poddtoch
Mogan tujea sarkoch poddlo
Bhangara sarkem rupnnem tujem
Kallzache ubek tukam tenkoilem
Tujea mateache chumbh3 geun
Jivit tuka bettounk evjilem
Mhojench rogot, mojench mas
Kitem Devachi rochnnam hi
Tum mhojich dhu, mhojoch sando
Khuxealkaechi pori4 ti
Tujo anso, tujem roddnem,
Ghor mhojem gazta killkilleanim
Tujo mog, tuji apurbai
Kalliz bhoron vot’ta umalleanim
Tujo bapui zaunk nirmilem maka
Tujea vorvim, sovost aum
Jivitbhor tukam saulli diunk
Sodanch vavurtolom aum
---------------------------------------
Happy Father’s Day (June 15, 2003)
1 = Existence
2 = Fortune
3 = Kiss
4 = Fairy
Gracy Morais
Ribandar-Goa (Kuwait)
No comments:
Post a Comment