Tujea kusvean rig gheun
Dislem meulem makam ghor
Nov muineachem pennem mhojem
Bandlem sombondachem dhor
Tuji khoxi, tuji dukh, tuje koxtt
Onnbhoulo tujo mog moipass
Tuje anvdde, tuje niras, tuje proitn
Sufoll korunk monan asleli ass
Sonvsarantlem poilem paul
Itlem niraxi, chintlem nam mat
Tuje kuddichi ub, nirmili nam,
Mathear mhojea bhonvddailo nam ath
Dudhacho ek thembo, meulo nam,
Bhagounk bhuk ani than
Mogall tuzo avaz aikunk,
Kitle axeun nirxele mhoje kan
Mhojem roddnem aikun,
Tujem mon koxem nam rodlem!
Avoichem kalliz tujem,
Sanddun vetanam, matui nam foddfoddlem!
Patt vollun ek pautt pollelem tor makam
Dekhpachi dolleanim zomlelim dukham
Ath ubarun, veng sodtali fok’t tukam
Sanddleim pillak, uddonk eunchea adim pakham!
Kitem oprad mhojo - kosli khast makam,
jivit kalluki fuddlem,
Zulum mhojer oslo kiteak,
Fokot cheddum munn makam soddlem?
Poinn mojem suru zalem,
Avoichea kusveant than Hospitalant
Fuddlem thikann khoim zait mhojem,
kochreachea dobeant vo khoincheai Ashramant??
… Dedicated to the Girl Child. She is a human too.
Say YES to Life
Gracy Rodrigues
Ribandar-Goa (Kuwait)
No comments:
Post a Comment